Raportohet se një bombol gazi ka shpërthyer në kompleksin “Delijorgji” në Tiranë.
Sipas informacioneve nga shpërthimi i ndodhur brenda një picerie është lënduar pronari i biznesit.
Për veç kësaj ka dhe dëme të tjera materiale brenda ambientit.
Njoftimi i policisë
Rreth orës 11:20, në Rrugën e Kavajës, te kompleksi “Delijorgji”, në një ambient aktualisht jofunksional, dyshohet se ka shpërthyer një bombol gazi.
Si pasojë janë dëmtuar pronari i ambientit, shtetasi B. D., rreth 40 vjeç, dhe punonjësi i tij, shtetasi K. B., rreth 28 vjeç, të cilët po marrin ndihmë mjekësore në spital.
Grupi hetimor ndodhet në vendngjarje dhe po punon për sqarimin e rrethanave të rastit.
