Në Washington ka nisur ceremonia e shortit për Kupën e Botës 2026, një event ku po marrin pjesë 48 kombëtare, ndërsa vetëm gjashtë vende mbeten ende për t’u përcaktuar në muajin mars.
Atmosfera është e ngarkuar me performanca artistike dhe prezantues të njohur, ndërsa fjalimet zyrtare mbahen nga presidenti i FIFA-s, Gianni Infantino, dhe presidenti amerikan, Donald Trump.
Vendet pritëse SHBA, Kanadaja dhe Meksika janë vendosur automatikisht në vazon e parë. Në vazon e katërt renditen ekipet që do të vijnë nga ndeshjet play-off, përfshirë Shqipërinë dhe Kosovën.
FIFA ka vendosur rregulla të reja për ndarjen e ekipeve, duke shmangur përballjet e gjigantëve të futbollit në fazat e hershme. Deri tani, tre grupe janë të konfirmuara: Meksika në Grupin A, Kanadaja në Grupin B dhe SHBA në Grupin D.
