Shqipëria mund të shënojë një moment historik në futboll nëse arrin të kalojë dy ndeshjet e play-off në mars për Kupën e Botës 2026. Nëse kjo ndodh, kuqezinjtë do të renditen në Grupin F dhe do të përballen me Holandën, Japoninë dhe Tunizinë.
Ndeshjet me Holandën pritet të jenë sfiduese. Historikisht, Shqipëria ka zhvilluar katër takime zyrtare me “tulipanët”, të cilat kanë përfunduar të gjitha me fitore të Holandës. Kuqezinjtë kanë arritur të shënojnë vetëm një gol, me Debatik Currin në vitin 2006, kur ndeshja përfundoi 2-1.
Shorti i Botërorit 2026 ka përcaktuar edhe të gjithë grupet:
Grupi A: Meksikë, Koreja e Jugut, Afrika e Jugut, Play-off Europë D
Grupi B: Kanada, Zvicër, Katari, Play-off Europë A
Grupi C: Brazil, Marok, Skoci, Haiti
Grupi D: SHBA, Australi, Paraguai, Play-off Europë C (Kosova)
Grupi E: Gjermani, Ekuador, Bregu i Fildishtë, Kurasao
Grupi F: Holandë, Japoni, Tunizi, Play-off Europë B (Shqipëria)
Grupi G: Belgjikë, Iran, Egjipt, Zelanda e Re
Grupi H: Spanjë, Uruguai, Arabia Saudite, Kepi i Gjelbër
Grupi I: Francë, Senegal, Norvegji, Play-off Interkontinental B
Grupi J: Argjentinë, Austri, Algjeri, Jordani
Grupi K: Portugali, Kolumbi, Uzbekistan, Play-off Interkontinental A
Grupi L: Angli, Kroaci, Panama, Gana
