Demokrati i njohur korçar, Ilir Vrenozi, ka shprehur kritika të ashpra ndaj kryedemokratit Sali Berisha, lidhur me situatën brenda Partisë Demokratike. Përmes një postimi në rrjetet sociale, Vrenozi thekson se Berisha nuk e ka mbajtur premtimin për të pastruar partinë nga individët e papërshtatshëm, siç kishte deklaruar më parë.
Ai shprehet se besimi i tij i mëparshëm se ky proces do të realizohej u shua me kalimin e kohës, duke shtuar se mosrealizimi i pastrimit ka çuar në pasojat e rënda që po përjeton PD-ja sot.
“Ne do pastrojmë shtëpinë tonë. Sa jam gëzuar atë ditë që e the Doktor, për Zotin dhe kisha shumë besim se do e bëje, po koha kaloi dhe tregoi të kundërtën… Mos pastrimi i shtëpisë na fundosi keq e më keq. Tani s’ka fshesë ta fshijë gjithë këtë pisllëk që ka mbledhur shtëpia jonë o bir”, shkruan Vrenozi.
