Zyrtarët evropianë janë gjithnjë e më të shqetësuar se SHBA-të mund të tërhiqen nga mbështetja ndaj Ukrainës pas bisedimeve të zhvilluara nga i dërguari i Presidentit Trump, Steve Witkoff, dhe dhëndri i tij, Jared Kushner, me Presidentin rus Vladimir Putin.
Lidhur me këtë, disa burime të Bloomberg raportuan se mund të ketë një marrëveshje mes SHBA-së dhe Rusisë që do të lë Ukrainën pa mbështetje ushtarake dhe informacion inteligjence nga Uashingtoni.
Ky shqetësim është përkeqësuar pas publikimit të një dokumenti të Strategjisë së Sigurisë Kombëtare të SHBA-së, që kritikon Evropën për “pritje jorealiste” lidhur me konfliktin dhe sugjeron se SHBA-të janë të hapura për negociata diplomatike me Rusinë.
Ekspertët paralajmërojnë se një tërheqje e SHBA-së mund ta lërë krizën në duar të Evropës, duke rritur pasigurinë për Ukrainën.
