Derbi i së dielës në “Air Albania” mes Tiranës dhe Partizanit vjen në një moment të pazakontë për dy rivalët e kryeqytetit.
Tirana, e tronditur nga humbja 6-2 ndaj Dinamos, dhe Partizani, që vjen pas një fitoreje minimale, kërkojnë me çdo kusht ringritjen.
Statistikat tregojnë vështirësi të dukshme: Partizani ka një nga përqindjet më të ulëta të zotërimit të topit dhe saktësisë së pasimeve në kampionat, ndërsa Tirana është skuadra që pëson më shumë goditje në portë. Efikasiteti ofensiv mbetet problem për të dyja, sidomos për të kuqtë, që kanë përqindjen më të ulët të goditjeve në kuadrat.
Në këtë atmosferë tensioni, derbi mund të shërbejë si pikë kthese për njërën prej skuadrave, që kërkojnë të shmangin një sezon nën pritshmëri.
