Presidentja e Komisionit Europian, Ursula von der Leyen, theksoi se prioritetet kryesore të “Aleancës së Të Dëshiruarve” janë mbështetja për Ukrainën dhe forcimi i gatishmërisë mbrojtëse evropiane.
Në një takim me presidentin ukrainas, Volodymyr Zelensky dhe liderët e tjerë të koalicionit, von der Leyen njoftoi se përpjekjet për përdorimin e aseteve të ngrira ruse për kompensimin e dëmeve të Ukrainës janë të ndërlikuara, por do të rrisin ndjeshëm koston për Rusinë.
Ajo theksoi se sa më shumë që Rusia të vazhdojë luftën, aq më të larta do të jenë pasojat për të.
Von der Leyen gjithashtu theksoi se lidhjet brenda Bashkimit Europian janë më të forta se kurrë dhe shtetet anëtare do të qëndrojnë të bashkuara për të mbështetur Ukrainën dhe për të mbrojtur Europën.
