I ftuar “5 Pyetjet” me Ilir Babaramon, kryetari i kryesisë së PD, Ervin Salianji komentoi marrëdhëniet brenda Partisë Demokratike dhe rolin e saj në politikën lokale. Ai theksoi shqetësimin për mungesën e reagimit nga demokratët ndaj bashkëpunimit të disa anëtarëve me Partinë Socialiste dhe nënvizoi nevojën për një qëndrim më të fortë politik në qytetet ku janë zhvilluar zgjedhjet e fundit.
“I vetmi njeri që punon nga Partia Demokratike që bashkëpunon me Partinë Socialiste është në Durrës, Vangjush Dako. Çdo demokrat ka qenë aty. Përderisa zëri i tyre nuk dëgjohet, kjo është shqetësim. Doktorri ka të drejtë për çdo gjë të thotë mendimin e tij, sepse është kryetari i Partisë Demokratike. Minimalisht duhet të dalin demokratët nëse e kanë problem. Unë kam dalë në deklaratë që Partia Demokratike, nëse s’janë të kënaqur, të ngrejnë zërin. Rama nuk është xhind të heqim me muzikë, ti bëjmë nuska. Duhet të jetë një reagim më i fortë. Partia Demokratike ka bërë beteja të plota në qytetet ku ishin zgjedhjet e fundit. E kemi braktisur elektoratin. Ne kemi lajmëruar protesta, që tani duhet foltore,” tha Salianji.
