I ftuar në “5 Pyetjet”, Bardh Sejdarasi, ekspert i ekonomisë, njoftoi se kufiri i 15 viteve për marrjen e pensionit është hequr dhe pensionistët do të përfitojnë një rritje nga 8,000 në 9,000 lekë. Ai theksoi se bonusi varet nga vendimet që do të merren në vitin 2026 dhe nga situata ekonomike e vendit.
“Hiqet kufiri i 15 viteve për marrjen e pensionit, e dyta është hequr skema ku një person punon ndërsa tjetri merr pension. Reforma e re do të diskutohet nga politikanët në Parlament. Sipas deklarimit të ministrit dje, pensioni do të rritet nga 8,000 lekë në 9,000 lekë pas disa vitesh. Qeveria ka miratuar këtë skemë, por deri më tani nuk ka bonus. Nëse ka bonus në 2026, tha ministri, atëherë edhe ne do të japim bonus atë vit. Nëse flasim për bonuse që ndahen për vitet që vijojnë, i kemi këto parashikime, por deri në 2030 do të pyetim qeverinë në fund nëse ka ekonomi apo jo për t’i dhënë,” shprehet Sejdarasi.
