Kreu i Lëvizjes “Shqipëria Bëhet”, Adriatik Lapaj, është referuar në Prokurori për dyshimet për grumbullim dhe zaptim të hapësirës publike para Kryeministrisë, duke penguar qarkullimin e lirë të lëvizjes.
Protesta e Lapajt dhe mbështetësve të tij ka nisur prej dy ditësh, me çadra të ngritura në shesh, por ka shkaktuar tensione me policinë, e cila kërkoi largimin e protestuesve. Megjithatë, Lapaj dhe protestuesit kanë deklaruar se do të vazhdojnë të protestojnë.
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori për shtetasit: A. L., pasi dyshohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes”, sqaron policia.
