Deputeti demokrat Luçiano Boçi, tha sot nga foltorja e Kuvendit, se ndryshimet ligjore për koncesionet, PPP-të, si dhe paqja fiskale që po kalon mazhoranca, kanë qëllim vetëm që të bëjnë “dhurata të paketuara bukur për Vitin e Ri” për klientët e qeverisë dhe mbrojtjen e të korruptuarve
“Ndryshimet në projektligjin e koncesioneve i ngjan atyre dhuratave të paketuara bukur që jepen për Vit të Ri, që jepen jo për qytetarët, por për klientët e qeverisë. Në realitet ky ligj nuk e nxit ekonominë, e frenon. Nuk i shërben qytetarëve, ata janë disa sponsor të qeverisë. Rrit borxhin e fshehur të ekonomisë shqiptare, edhe pse ju përdorni fjalë të bukura. Mjafton t’ju përmendësh juve koncesione dhe PPP-të dhe direkt shkon mendja te inceneratorët korruptovë, rrugët korruptive, porti korruptiv, te Porto Romano korruptiv dhe çdo gjë korruptive këtu te ne”, u shpreh Boçi.
