Vazhdon në KLP shpalosja e platformës nga Doloreza Musabelliu, e cila tha se fakti që ajo është grua, nuk do të ketë ndikim në punën e saj si drejtuese e mundshme e SPAK.
Musabelliu: Do ta bëj SPAK-un të pavarur me rezultate konkrete
“Një drejtues duhet të ketë disa cilësi, aftësi për vendimmarrje të shpejtë, aftësi për të drejtuar me vizion, aftësi për të ndërtuar frymë bashkëpunimi mes anëtarëve, aftësi për të përballuar presionin. Të gjitha këto, nuk shoh që të lidhen me gjininë”, tha ajo.
Ajo shtoi se në punën e saj do të ketë fokus rëndësia që do t’i jepet afatit të hetimeve dhe moszgjatjes, aty ku është e mundur, të afatit të paraburgimit. Gjithashtu tha se do të kërkojë 40 hetues të rinj.
