Doloreza Musabelliu është e dyta në radhë që prezantoi platformën e saj në garë për drejtimin e Prokurorisë së Posaçme.
“Motivimi për të kandiduar është nga ndjenja e përgjegjësisë për të kontribuar me integritet në drejtimin e SPAK. Jam e bindur se përvoja profesionale e akumuluar në 2 dekada përbëjnë garanci për drejtimin e SPAK.
Ky moment kërkon një drejtim që bashkon forcën e vendosmërisë dhe integritetin e pa kompromis. Synoj një drejtim të pavarur me rezultate konkrete”, tha ajo.
E pyetur nëse një dosje prek stabilitetin e vendit si do të vepronte, ajo tha “Zoti i dosjes është prokurori, këshilla ime është të shikonte ligjin dhe kushtetutën, asnjë këshille tjetër nuk duhet marrë parasysh” tha ajo.
