Ditën e sotme KLP, ka zgjedhur kreun e ri të SPAK, Klodian Brahon, i cili ky i fundit ka siguruar 7 vota pro në garë me tre kandidatë të tjerë, pas kësaj ka ardhur reagimi i kryeministrit të vendit Edi Rama, duke i uruar punë të mbarë si drejtues i ri i Prokurorisë së Posaçme.
Reagimi i Ramës
Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet.
