Trajneri i Barcelonës, Hansi Flik, ka refuzuar të komentojë për situatën te Real Madrid dhe ka theksuar se është vetëm skuadra e tij ajo për të cilën ka interes.
Flik ka thënë se nuk shqetësohet për rivalët, duke u përqendruar vetëm në ndeshjet e Barcelonës dhe në përmirësimin e skuadrës.
Në lidhje me avantazhin e katër pikëve që Barcelona ka ndaj Real Madridit, ai tha se është ende shumë herët për të menduar për titullin dhe se ka ende shumë ndeshje për të luajtur. “Në këtë moment, është e rëndësishme të shohim veten dhe të qëndrojmë të përqendruar”, u shpreh trajneri.
Flik gjithashtu ka folur për portierin e tij, Marc-André ter Stegen, duke e quajtur atë “numri një” dhe duke konfirmuar se nuk ka asnjë diskutim mbi pozitat e portierëve. Ai vlerësoi edhe profesionalizmin e lojtarëve, duke përmendur Marcus Rashfordin, i cili ka treguar një mentalitet të jashtëzakonshëm, pavarësisht se ka qëndruar në stol.
