Një anije me ndihma humanitare nga Kosova për Palestinën është nisur nga porti i Mersinit në Turqi drejt Gazës, pas shkatërrimeve nga lufta. Dërgesa prej 500 mijë eurosh përfshin tenda, pako ushqimore, batanije dhe 158 mijë racione ushqimi të ngrohtë.
Kryeministri në detyrë, Albin Kurti, tha se ndihma përfaqëson solidaritetin ndërkombëtar të Kosovës me popullatën civile në nevojë. Ndërkohë, OKB dhe autoritetet palestineze paralajmërojnë se nevojiten urgjentisht 300.000 tenda për 1.5 milion njerëz të zhvendosur.
