Mesfushori i Kombëtares shqiptare, Qazim Laçi, vazhdon paraqitjet pozitive në kampionatin turk, duke qenë vendimtar në fitoren e Rizesporit ndaj Eyupsporit.
Laçi kaloi ekipin e tij në avantazh në fundin e pjesës së parë, duke realizuar saktë nga pika e penalltisë. Goli i tij i hapi rrugën suksesit të Rizesporit, ndërsa më pas Akaydin vulosi rezultatin përfundimtar.
Në minutën e 58-të, 29-vjeçari u ndëshkua me karton të verdhë, çka do ta mbajë jashtë ndeshjes së ardhshme për shkak pezullimi.
