Javën e 16-të të Kategorisë Superiore e mbylli supersfida mes Dinamos dhe Egnatias, që u mbyll me fitoren 1-2 për rrogozhinasit.
Albanese ishte heroi i takimit, duke shënuar një gol në secilën pjesë.
Egnatia tani qëndron në vendin e dytë, me 31 pikë, vetëm një më pak se Elbasani, i cili kryeson me 32 pikë. Dinamo, pas humbjes, ka mbetur 6 pikë larg kreut të tabelës.
Përveç kreut, garat për vendin e katërt janë gjithashtu të ngushta, me Teutën dhe Partizanin që ndodhen pranë njëri-tjetrit, ndërsa në luftën për mbijetesë janë Vorë, Bylis, Flamurtari dhe Tirana, që pritet të zhvillojnë një rivalitet të fortë.
