Vllaznia ka vazhduar me rezultatet negative në kampionat, duke barazuar 1-1 me Bylis në “Loro Boriçi”. Shkodranët e nisën mirë ndeshjen, duke kaluar në avantazh në minutën e 39-të me një eurogol të Kallakut.
Në pjesën e dytë, Bylis arriti të barazonte me një gol të Mustafës nga brenda zonës, duke ndëshkuar Vllazninë. Pavarësisht mundësive të krijuara nga të dyja skuadrat, rezultati mbeti i pandryshuar deri në fund.
Pas këtij barazimi, Vllaznia renditet në vendin e katërt me 26 pikë, ndërsa Bylis ndodhet në vendin e tetë me 15 pikë.
