Pas mbledhjes së Kryesisë së Partisë Socialiste, Taulant Balla ka folur për qëndrimin e mazhorancës ndaj opozitës dhe procesin e zgjedhjes së Avokatit të Popullit.
Ai ka theksuar se, edhe pse thirrjet për dialog dhe diskutim kanë qenë të vazhdueshme, opozita ka refuzuar të ulet për të diskutuar.
“Gatishmëria jonë për të ulur me opozitën dhe për të diskutuar çdo çështje vazhdon të mbetet. Përmes jush, në shtator kam komunikuar me opozitën dhe i kam bërë thirrje: ‘Hajde të zgjedhim Avokatin e Popullit’. Përgjigjja e tyre ishte e njëjta si gjithmonë, edhe në Kuvend: ‘Nuk ulemi me ju’. Dhe ne, si mazhorancë, zgjodhëm atë që na sugjeruan. Gjatë mandatit të katërt, Partia Socialiste ka prezantuar projekte dhe angazhime të ndryshme në çdo lloj forme etnike, dhe shqiptarët na kanë besuar më 11 maj me një mandat të fortë. Ky mandat është një mandat i plotë dhe ne do të vazhdojmë të punojmë për të realizuar angazhimet tona për qytetarët.”
