I ftuar në emisionin “5 Pyetjet” nga Babaramo, ish-kandidati për deputet i PD-së, për qarkun e Durrësit, Aulon Kalaja foli për vendimin e GJK për kthimin në detyrë të zv.kryeministres Belinda Ballukut, i cili tha se çështjen e shoh me syrin politik, pasi Edi Rama dhe Belinda Balluku janë shumë afër njëri-tjetrit.
“Unë mendoj se kemi GJK më të mirë se ç’kemi pasur më përpara. Unë nuk kam parë se si një piktor mund të kthehet në një avokat kaq i mirë mbrojtës. Rama dhe Balluku janë dy persona që nuk rinë dot pa njeri-tjetrin, ky është “tutori” i disa ministrive. Unë mendoj se SPAK mund të marrë një masë shtrënguese tjetër ndaj Ballukut dhe për këtë kam shpresë. SPAK-u përdor strategjinë e vet dhe këtë do e shohim në vazhdim, ndaj duhet ti besojmë.
Këtu kemi të bëjmë me krim të organizuar ekonomik”, u shpreh Kalaja.
