Kryetari i PD-së, Sali Berisha denoncoi sot nismën e kryeministrit Edi Rama, “Paketën e Maleve”. Ai tha se 20 zona bregdetare janë futur në “Paketën e Maleve” nga mafia dhe trafikantët e drogës.
“Sot do të shpalos para jush si paketa e maleve u shndërrua në paketën e drogës nga Edi Rama. 20 zona dhe sipërfaqe bregdetare janë shënuar si male.
Maminas, Rubjekën, ky i futi në paketën e maleve. Nuk është Korabi apo Malet e Sharrit por Maminasi që ky e fut në paketën e maleve. Karpenin e fut tek Alpet e Maminasit” tha ai.
