Një tragjedi ka ndodhur në Shkup, ku një zjarr masiv shpërtheu në dy magazina, duke shkaktuar humbjen e një jete.
Zjarri, i cili përfshiu pronën e një 46-vjeçari që kishte dhënë magazinat me qera, ka shkaktuar panik dhe ka marrë jetën e një personi, ende të paidentifikuar.
Ekipet zjarrfikëse arritën të shuanin flakët pas disa orësh pune intensive, ndërkohë që autoritetet kanë nisur hetimet për të zbardhur shkaqet e këtij incidenti.
Grupi hetimor po analizojnë çdo mundësi për të zbuluar arsyet e zjarrit, duke u përpjekur të identifikojnë faktorët që mund të kenë çuar në këtë tragjedi. Hetimet janë ende në vazhdim, ndërsa forcat e rendit po mbështesin hetimin për të kuptuar më shumë rreth ngjarjes.
