Tre shqiptarë, përfshirë një grua, janë arrestuar nga policia greke pasi u kapën me 215 kg marijuanë.
Arrestimi i tyre u realizua gjatë një operacioni në aksin kombëtar Janinë – Kozan, pas një përpjekje për të shpëtuar nga kontrolli policor, ku shoferja e automjetit përplasi dy herë automjetet zyrtare.
Gjatë kontrollit, policia gjeti 118 pako marijuanë dhe sekuestroi mjetin. Në makinën e arrestuarve ndodhej edhe djali i mitur i shqiptares.
Ky është vetëm një nga rastet e shumta ku droga e dyshuar e importuar nga Shqipëria është sekuestruar nga autoritetet greke që nga shtatori, me mbi 700 kg marijuanë të konfiskuara deri tani.
