Presidenti i SHBA-së, Donald Trump, ka ngritur një padi ndaj BBC-së, duke kërkuar dëmshpërblim prej 10 miliardë dollarësh.
Padia akuzon transmetuesin britanik për shpifje, praktika mashtruese dhe ndërhyrje në zgjedhjet presidenciale të SHBA-së të vitit 2024.
Trump kërkon ndëshkimin e BBC-së për përdorimin e një fjalimi të tij të 6 janarit 2021, duke e redaktuar në mënyrë që të krijohet përshtypja se ai u bëri thirrje mbështetësve të marshonin dhe të “luftonin”.
BBC-ja kishte transmetuar këtë fragment në një dokumentar të titulluar “Trump: Një shans i dytë?”, disa ditë para zgjedhjeve të vitit 2024. Trump thotë se kjo përpjekje kishte për qëllim keqinterpretime të qëllimshme.
