Prokuroria e Posaçme ka refuzuar kërkesën e Këshillit Bashkiak, që kryetari Erion Veliaj të marrë pjesë fizikisht në mbledhjet e këshillit të bashkisë kur diskutohen çështet e buxhetit, pasi kërkesa nuk përmbush kriteret ligjore.
Vendimi është marrë nga prokurorët Altin Dumani dhe Ols Dado, pas shqyrtimit të kërkesës së paraqitur nga Sekretari i Këshillit Bashkiak Tiranë.
SPAK argumenton se kuadri ligjor në fuqi nuk e parashikon një mundësi të tillë. Referuar ligjit SPAK thotë se lejet e veçanta për të paraburgosurit jepen vetëm në raste të përcaktuara shprehimisht, si sëmundje të rënda që rrezikojnë jetën e familjarëve, ngjarje të rëndësishme familjare (vdekje, lindje, martesë) apo dhënie provimesh nga vetë i dënuari.
