Në një fjalim gjatë takimit të zhvilluar në Kavajë, kryetari i Partisë Demokratike, Sali Berisha, ka nderuar qytetarët e Kavajës për kontributin e tyre të shquar në historinë e pluralizmit dhe të lirisë në Shqipëri.
Ai ka theksuar se Kavaja ka qenë një simbol i luftës për liri, duke përmendur sakrificat dhe trimërinë e qytetarëve të këtij qyteti, të cilët, sipas tij, hodhën themelet e Partisë Demokratike dhe ishin burim frymëzimi për lëvizjen studentore që solli ndryshime të mëdha në Shqipëri.
“Kavaja është simboli i njerëzve të lirë, i njerëzve që besojnë në vlerat më të larta, hyjnore dhe njerëzore, tek liria, Zoti, familja, Shqipëria. Ne mblidhemi sot në 35-vjetorin e themelimit të degës së Partisë Demokratike Kavajë. Kavaja, me sakrificat, burrërinë dhe trimërinë e saj, ka hedhur themelet e pluralizmit dhe është bërë inspirim për lëvizjen studentore.”
