Presidenti Bajram Begaj ka reaguar për njohjen e pavarësisë së Kosovës nga Bahamas, duke e cilësuar këtë si një kontribut të rëndësishëm për paqen dhe stabilitetin në rajon.
Në një postim në “X”, Begaj shprehu mirënjohjen e tij për këtë vendim, duke theksuar se ai forcon rendin ndërkombëtar në rajonin tonë.
“Shpreh mirënjohjen time të sinqertë për Bahamas për njohjen e Kosovës, një kontribut domethënës për paqen, stabilitetin dhe forcimin e rendit ndërkombëtar në rajonin tonë” shkruan kreu i shtetit.
