Një aksident ka ndodhur në fshatin Rrëmbec të Maliqit, ku një mjet tip “Skoda” ka dalë nga rruga dhe ka përfunduar duke u përplasur me një pemë.
Burime në vendngjarje bëjnë me dije se drejtuesi i mjetit ka humbur kontrollin, duke shkaktuar plagosjen e dy pasagjerëve të cilët ndodheshin në mjet.
Mësohet se të dy persona kanë marrë plagë të lehta dhe janë dërguar menjëherë në Spitalin Rajonal të Korçës, ku janë duke marrë ndihmën e parë mjekësore. Sipas burimeve nga spitali, ata janë jashtë rrezikut për jetën.
