Sot mbahet Kongresi i Bashkimit Demokratik për Integrim (BDI), i cili pritet të shënojë një moment të rëndësishëm reformimi brenda partisë. Kryetari i BDI-së, Ali Ahmeti, ka përgatitur një listë emrash që pritet të largohen nga kryesia partiake, në kuadër të asaj që po cilësohet si “Kongresi i fshesës”, nga ana tjetër ai prezantoi 4 rezoluta kryesore të cilat janë të rëndësishme për stabilitetin dhe funksionimin e shtetit në Maqedoninë e Veriut.
Në mesin e emrave që pritet të largohen nga strukturat drejtuese përmenden: Fatmir Dehari, Musa Xhaferi, Xhevat Ademi, Teuta Arifi, Ramiz Merko, Sadulla Duraku dhe Resi Abdurrahmani.
Largimi i këtyre figurave shihet si sinjali i parë serioz për një reformë të thellë brenda partisë, ndërsa Kongresi i sotëm pritet të përcaktojë drejtimin e ri politik dhe organizativ të BDI-së në periudhën e ardhshme.
Ndërkohë 4 rezolutat janë:
- PËR PËRFORCIMIN E KARAKTERIT UNITAR TË SHTETIT DHE KONSOLIDIMIN E BARAZISË FUNKSIONALE
- PËR SHTETIN E SË DREJTËS, DREJTËSINË E PAVARUR DHE RIKTHIMIN E BESIMIT NË INSTITUCIONE
-
PËR MARRËVESHJEN KOMBËTARE PËR PËRPARIM DHE ZHVILLIMIN E QËNDRUESHËM TË VENDIT
-
PËR INTEGRIMIT EVROPIAN
/ INA
