Mëngjesin e sotëm policia ka arrestuar në zonën e Mirditës një 35 vjeçare, J.B pasi qarkullonte me armë zjarri pistoletë brenda makinës së saj.
Njoftimi i policisë
Në vijim të punës për sigurimin e informacioneve dhe goditjen e rasteve të armëmbajtjes pa leje, shërbimet e Komisariatit të Policisë Mirditë, bazuar në informacionet e siguruara se një shtetase qarkullonte e armatosur, organizuan dhe finalizuan operacionin policor të koduar “Kryqëzimi”.
Sekuestrohet 1 armë zjarri pistoletë, municion luftarak dhe automjeti.
Si rezultat i operacionit, në afërsi të kryqëzimit të Kthellës, drejt hyrjes për qytetin e Rrëshenit, shërbimet e Policisë konstatuan një automjet tip “Golf”, në të cilin dyshohej se udhëtonte shtetasja e armatosur, dhe e ndaluan për kontroll.
Gjatë kontrollit të automjetit, shërbimet e Policisë gjetën dhe sekuestruan, në cilësinë e provës materiale, 1 armë zjarri pistoletë me krehër dhe municion luftarak.
Materialet procedurale iu kaluan Prokurorisë së Lezhës, për veprime të mëtejshme.
Related
