Kreu i Partisë “Shqipëria Bëhet”, Adriatik Lapaj, komentoi ndarjen e protestës së tij nga ajo e PD-së, duke shpjeguar se kauza është e njëjtë, por qëllimi është që të mendohet për Shqipërinë dhe jo për rritjen e partive.
Ai paralajmëroi se ndarja nuk duhet të shndërrohet në përçarje mes forcave opozitare dhe tha se Rama është ai që përfiton nga kjo ndarje.
“Jetojmë në një kohë kur askush nuk duhet të mendojë ‘si të rrisim partinë’, por ‘si të rrisim Shqipërinë’. Nëse secili qëndron në gardhin e vet, Rama na mund të gjithëve. Nëse dalim përtej dhe populli zbarkon totalisht në rrugë, Rama e ka të vështirë dhe do të ikë. Kjo është e vetmja mënyrë që të ndryshojmë situatën, duke iu bashkuar qytetarëve dhe duke u ngritur të gjithë së bashku kundër makutërisë dhe korrupsionit.”
