Mbrojtësi i Kombëtares, Ardian Ismajli, ishte një nga futbollistët më të rëndësishëm në fitoren 0-1 ndaj Sasuolos, duke luajtur gjithë ndeshjen dhe duke kontribuar në mbrojtje. Pas takimit, Ismajli theksoi.
“Kemi siguruar 6 pikë në një javë dhe nuk kemi pësuar gol, kjo është një statistikë e rëndësishme. Për mua nuk është problem të luaj djathtas apo majtas, pasi vitin e kaluar luaja më shumë si mbrojtës qendre, por mund të luaj në secilin pozicion.”
Ai gjithashtu vuri në dukje forcën e grupit: “Në repartin e mbrojtjes jemi kompakt, edhe pse kemi pësuar shumë gola, por kemi ruajtur 7 herë portën e paprekur. Jemi të gjithë liderë në mbrojtje, si ata që luajnë gjatë gjithë ndeshjes, ashtu edhe ata që luajnë më pak ose aspak. Të gjithë kemi rëndësinë tonë dhe kemi lojtarë të fortë.”
