Hakan Çalhanoglu ka një kontratë me Interin që skadon në verën e vitit 2027, por e ardhmja e tij te klubi italian është e pasigurt.
Sipas burimeve të besueshme, bisedimet për rinovimin e kontratës do të vazhdojnë gjatë gjashtë muajve të ardhshëm dhe vendimi për të ardhmen e mesfushorit do të varet nga këto negociata.
Nëse Interi nuk arrin një marrëveshje me Calhanoglu, mund të vendosë ta shesë atë gjatë merkatos së verës së ardhshme.
Dy klubet turke, Galatasaray dhe Fenerbahçe, janë të gatshëm të futen në bisedime për të siguruar shërbimet e mesfushorit, nëse ai vendos të largohet nga Milano.
