Byroja Kombëtare e Hetimit ka kryer 19 kontrolle në dy kompani ndërtimi dhe disa punonjës të Autoritetit të Rrugëve dhe Korporatës Elektroenergjitike, si pjesë e hetimeve që lidhen me zv.kryeministren Belinda Balluku dhe bashkëpunëtorët e saj.
Dy kompanitë e ndërtimit janë të njohura për fitimin e tenderave pranë këtyre institucioneve shtetërore.
Aksioni u zhvillua vetëm nga agjentët e Byrosë, pa praninë e punonjësve të policisë së shtetit, të paktën në disa nga kontrollet që u kryen në zonën e komisariatit numër tre.
