Policia Kufitare në Kapshticë ka arrestuar disa persona të shpallur në kërkim dhe ka goditur raste të kontrabandës gjatë kontrolleve të shtuara në hyrje të vendit. Në këtë kuadër u ndaluan E. Rr. dhe E. E., të kërkuar për vepra të ndryshme penale.
Po ashtu, u arrestua në flagrancë A. M., i dyshuar për kontrabandë mallrash, ndërsa u proceduan penalisht I. L. dhe doganieri E. M., lidhur me një tjetër rast kontrabande.
Ndërkohë, nisi procedim penal edhe për F. Xh., V. R. dhe B. Xh., të dyshuar për kalim të paligjshëm të kufirit.
Materialet procedurale janë referuar Prokurorisë së Korçës për veprime të mëtejshme.
