Dhjetori ka sjellë një rritje të pacientëve në urgjencën e spitalit rajonal të Vlorës, ku çdo ditë regjistrohen deri në 50 vizita, përfshirë edhe persona me sëmundje kronike që janë më të rrezikuar ndaj komplikacioneve.
Shefi i urgjencës, Veron Beja, apelon që qytetarët të kontaktojnë fillimisht mjekun e familjes para se të shkojnë në spital, për të menaxhuar më mirë fluksin e pacientëve.
Bluzat e bardha këshillojnë gjithashtu kujdes të shtuar për higjienën, shmangien e vendeve të mbipopulluara dhe kryerjen e vaksinave antigrip.
Situata aktualisht konsiderohet e menaxhueshme, edhe pse virozat stinore po rritin vizitat gjatë kësaj periudhe.
