Pas dhunës së ushtruar ndaj gazetarit Elton Tozaj, përmes një deklarate ka reaguar Unioni i Gazetarëve Shqiptarë, duke kërkuar zbardhjen urgjente të ngjarjes.
Deklaratë e Unionit të Gazetarëve Shqiptarë
Deklaratë e Unionit të Gazetarëve Shqiptarë
Dhuna ndaj gazetarit Elton Tozaj, akt kriminal që duhet zbardhur dhe autorët të ndëshkohen
Tiranë më 27.12.2025
UGSH ndan me shqetësim dhe tronditje lajmin e publikuar nga shumë media dhe familjarë të gazetarit Elton Tozaj, për dhunimin barbar që persona të identifikuar kanë kryer mbi kolegun.
Ngjarja e ndodhur në autostradën Tiranë-Durrës, e vërejtur nga dhjetra kalimtarë, përbën një akt kriminal dhe dhunues. Gazetari Tozaj për këtë arsye, sipas familjarëve, ndodhet në gjendje të rënduar shëndetësore dhe në luftë për ruajtjen e shikimit.
UGSH kërkon sqarimin zyrtar të këtij episodi dhe ndëshkimin e dhunuesve, sikundër i urojmë kolegut shërim të shpejtë dhe të plotë!
Zyra Informuese
Unioni i Gazetarëve Shqiptarë
Dhunohet gazetari, familja akuzon: Ka gisht vajza e showbiz-it
