Komisioni Qendror i Zgjedhjeve (KQZ) po mban konferencën e parë për shtyp në lidhje me procesin e zgjedhjeve të parakohshme në Kosovë, pas një ore nga hapja e të gjitha qendrave të votimit.
Zëdhënësi i KQZ-së, Valmir Elezi, konfirmoi se të gjitha qendrat e votimit janë hapur sipas planit dhe se materiali zgjedhor, përfshirë fletëvotimet, është shpërndarë me kohë.
Ai ftoi qytetarët me të drejtë vote të shfrytëzojnë të drejtën e tyre kushtetuese dhe të marrin pjesë në zgjedhje.
Në fund, Elezi njoftoi se KQZ-ja do të nisë publikimin e rezultateve preliminare para orës 20:00.
