Një ngjarje tragjike ka ndodhur mbrëmjen e djeshme në Klos të Matit. Xhemal Zhuku, 66 vjeç, ka humbur jetën pasi tentoi të kalonte lumin Mat, por është marrë nga rrjedha e fortë e ujit.
Trupi i tij është gjetur disa kilometra më larg, pa shenja jete, në orët e para të mëngjesit të sotëm.
Kërkimet janë udhëhequr nga shërbimet e Policisë, bashkë me familjarët dhe banorët e zonës. Grupi hetimor është në vendngjarje dhe po punon për zbardhjen e rrethanave të këtij aksidenti tragjik.
