Kreu i Lëvizjes “Shqipëria Bëhet”, Adriatik Lapaj, ka vijuar protestën e tij të 27-të ditore para Kryeministrisë, ku ka akuzuar qeverinë Rama për korrupsion dhe dështim në përmbushjen e premtimeve.
Ai ka kërkuar dorëheqjen e kryeministrit, duke theksuar se mandati i tij nuk ka asnjë vlerë për popullin që po e shikon të vjedhur dhe të abuzuar.
“Erdhi për të zhbërë modelin e oligarkisë së Berishës, por nuk është zhbërë…jemi këtu për të kërkuar dorëheqjen e njeriut më të korruptuar në Europë. A ja dha populli 83 mandate që ta vjedhë? Ato mandate kanë zero vlerë sepse populli e di të vërtetën që ata na vjedhin,” tha Lapaj, duke theksuar shqetësimin e qytetarëve dhe pamundësinë e jetesës dinjitoze nën këtë qeverisje.
