Një sherr i dhunshëm ka ndodhur në Gjirokastër, ku një 19-vjeçar është arrestuar për goditjen me thikë të një 24-vjeçari.
Konflikti, që dyshohet të ketë pasur motive të dobëta, ka lënë të plagosur 24-vjeçarin, i cili është transportuar në spital dhe ndodhet jashtë rrezikut për jetën.
Një 18-vjeçar gjithashtu është proceduar për “moskallëzimin e krimit”, pasi dyshohet të ketë qenë i pranishëm gjatë ngjarjes, por nuk ka raportuar te Policia.
Materialet përkatëse janë dërguar në Prokurorinë e Gjirokastrës për hetime të mëtejshme.
