Në një deklaratë të fundit kryetari i “Shqipëria Bëhet” Adriatik Lapaj, një nga organizatorët kryesorë të demonstratës, ka shprehur angazhimin e tij për të vazhduar luftën kundër qeverisë dhe ka kërkuar mbështetje nga qytetarët.
Ai theksoi se ky është një protestë pa dhunë dhe e udhëhequr nga qytetarë të thjeshtë, të cilët po reagojnë për të kërkuar ndryshimin e kushteve në vend.
“Dua që ta shuajmë këtë protestë, por duhet të kuptohet që në këtë protestë bëjnë pjesë qytetarë që janë baraz me ligjin, janë qytetarë të thjeshtë, të cilët janë angazhuar për punë të thjeshta. Ne kemi për synim të rrëzojmë Ramën. Kam pritur që sheshet të jenë plot, që qytetarët të reagojnë. Edhe unë mendoj se ja kemi dalë. Ne këtu kemi qytetarë që vijnë me vullnet dhe jo me detyrim.
Në këtë moment, nuk kemi as ngrohje, as çadra, pasi janë sekuestruar nga policia, dhe kjo është jashtë ligjit. Unë vazhdoj të them se do ta vazhdoj këtë protestë deri sa kushtet biologjike të më përgjigjen. Pres që qytetarët të dalin në shesh dhe të bashkohen në këtë kërkesë. Kjo është thirrja ime për ata,” tha Adriatik Lapaj,” shprehet Lapaj.
