Rruga Laç–Milot është bllokuar për më shumë se dy orë, pas përmbytjes së segmentit rrugor nga uji.
Shkaku i kësaj situate është mosfunksionimi i kanaleve kulluese, që ka çuar në grumbullimin e ujit mbi rrugë.
Si pasojë, qarkullimi është paralizuar dhe vargu i makinave shtrihet për disa kilometra. Policia është në vendngjarje dhe po punon për normalizimin e situatës, por kalimi është i pamundur, pasi në disa pjesë të rrugës niveli i ujit ka arritur mbi një metër.
Autoritetet bëjnë thirrje për shmangien e këtij aksesi dhe ndjekjen e udhëzimeve të policisë deri në përmirësimin e kushteve.
