Ministrja e Brendshme, Albana Koçiu, ka ndarë detaje të rëndësishme për projektin “Smart City” gjatë fjalës së saj në mbledhjen e grupit parlamentar të PS-së.
Ajo ka njoftuar se do të instalohen rreth 5000 kamera në rrugët kryesore të Shqipërisë, një hap i rëndësishëm për përmirësimin e sigurisë publike dhe monitorimin e aktiviteteve të përditshme.
“Përmes këtij projekti, do të vendosen rreth 5000 kamera në rrugët kryesore të vendit, ndërsa më shumë se 20 shkolla do të jenë nën mbikëqyrje. Ky është një hap i rëndësishëm për të rritur sigurinë dhe për të garantuar një standard më të lartë të jetesës për qytetarët tanë.”
