Kreu i PD Sali Berisha është pyetur gjatë konferencës së sotme në lidhje me refuzimin e bërë nga partitë e reja si Mundësia, Shqipëria Bëhet dhe Lëvizja Bashkë, kundrejt tryezës së propozuar nga ana e tij ditën e nesërme.
Ai u shpreh se nuk mund të paragjykojë pa u mbledhur tryeza e nesërme, ndërsa la të hapur mundësinë se ata mund të ndryshojnë mendim.
Berisha theksoi se dera është e hapur për të gjithë ata që e ndjejnë veten opozitarë, ndërsa qëllimi sipas tij është një front sa më i gjerë kundër qeverisë.
“Rama është i tmerruar, në çdo rresht të dosjes Balluku lexon emrin e tij. De facto pas Lubisë është Rama ndaj po bën gjithcka të bllokojë drejtësinë. Përdori GJK në funsksion të interesave të narkoshtetit dhe interesave të tij mafioze. I bëj thirrje qytetarëve të angazhohemi për të nxjerrë sa më parë Shqipërinë nga kthetrat e këtij klani mafioz”, tha ai.
