Një masiv shkëmbor ka rënë nga shpati i malit në hyrje të Klosit, duke përbërë një rrezik të menjëhershëm për rrugën nacionale që lidh qytetin me Rrugën e Arbrit.
Menjëherë, punonjësit e Bashkisë dhe Policia Rrugore janë angazhuar për të vendosur sinjalistikë paralajmërimi për të informuar drejtuesit e mjeteve.
Për shkak të madhësisë së gurit dhe rrezikut që ai paraqet, ata do të mbeten në zonë deri në momentin që objekti të bjerë plotësisht, për të parandaluar çdo aksident.
