Këshilli i Mandateve, i cili pritej të mblidhej për të shqyrtuar kërkesën e Prokurorisë së Posaçme për heqjen e imunitetit të zëvendës kryeministres Belinda Balluku, nuk është mbledhur as sot.
Deputetët e Partisë Demokratike akuzojnë Kryeministrin Edi Rama dhe administratën e Kuvendit se po pengojnë mbledhjen, duke shkelur procedurat për thirrjen e këtij organi dhe duke vonuar procesin ligjor.
“Kuvendi, me urdhër politik të Edi Ramës, vazhdon të mbajë peng mbledhjen e Këshillit të Mandateve. Ndryshe nga sa përcakton rregullorja, sipas së cilës mbledhja e Këshillit mund të thirret nga 5 anëtarë, Niko Peleshi vazhdon t’i mbajë të kyçura zyrat e Kuvendit, duke mbrojtur të korruptuarën Belinda Balluku. Deputetët e PD e gjejnë derën e sallës së mbledhjes të mbyllur”, shprehen ata.
