Diskutimet për mundësinë e rizgjedhjes së presidentes Vjosa Osmani janë përqendruar në politikën kosovare, teksa partitë politike ende nuk kanë arritur një qëndrim të qartë mbi këtë çështje.
Lidhur me këtë, drejtuesit e subjekteve parlamentare kanë theksuar se çdo vendim do të merret pas përmbylljes së proceseve të brendshme dhe konstituimit të institucioneve.
Kryeministri në detyrë, Albin Kurti, ka theksuar se çështja e Presidentit mund të diskutohet vetëm pas konstituimit të Kuvendit dhe formimit të Qeverisë, ndërsa partitë e tjera, si PDK, LDK dhe AAK, gjithashtu kanë shprehur se do të marrin qëndrim pas analizave të brendshme dhe vlerësimeve të rezultateve zgjedhore.
Çështja e Presidentit është ende pa një përgjigje përfundimtare, pasi partitë politike vijojnë të mbajnë paqartësi lidhur me mandatin e mundshëm të Osmanit.
