Kryetari i Partisë Demokratike, Sali Berisha, ka bërë një thirrje të fortë për qytetarët, duke i kërkuar ata që t’i godasin me vezë dhe domate ministrat e kabinetit të kryeministrit Edi Rama. Sipas Berishës, ministrat janë përgjegjës për përmbytjet dhe përkeqësimin e situatës në vend.
“I bëj thirrje qytetarëve, kudo ti shihni ministrat, i gjuani me vezë dhe domate. Këta janë shkaktarët kryesorë të përmbytjeve. Nuk shpall gjendjen e jashtëzakonshme, pasi e detyrohen t’i përgjigjen qytetarëve dhe fondet rezervë detyrohen ta çojnë drejt atyre. Durrësi është përmbytur në mënyrë apokaliptike, sepse aty ka qenë kënetë. Ky vend ka një kryeministër që ka përvetësuar taksat e qytetarëve dhe ka zgjedhur që të mbrojë grupe të caktuara. Këtu po shpifet, dhe gjithçka që po ndodh, është si pasojë e korrupsionit dhe keqmenaxhimit të qeverisë.”
